Илия Топурия Жастин Гэтжини биринчи раундда нокаутга учратади!

Енгил вазн тоифасида UFC чемпиони Илия Топуриянинг мураббийи Хави Клемент грузияликнинг вақтинчалик чемпион Жастин Гэтжи билан бўлиб ўтадиган жанги ҳақида гапирди.

"Илия Гэтжини дастлабки 30 сонияда нокаутга учратади, деб айтишга тайёр эмасман, бироқ бу биринчи раундда содир бўлишига 100 фоиз ишонаман. Гарчи Жастин ҳам анча кучли бўлса-да, мен бунга аминман. Америкаликнинг мен яхши ўрганган бир нечта қўпол хатолари бор ва агар Жастин бу хатоларни жангда такрорласа, қимматга тушиши аниқ", – деди Клемент.

Эслатиб ўтамиз, "UFC 324" турнирида Жастин Гэтжи ҳакамларнинг якдил қарори билан Пэдди Пимблеттни енгиб, енгил вазнда вақтинчалик чемпионга айланганди.