Илон Маск: "Цукерберг билан жангим UFC ташкилоти доирасида бўлмайди!"

Илон Маск Марк Цукербергга қарши жанги ҳеч қанақасига UFC‘га даҳлдор бўлмаслигини айтиб ўтди!
Айни дамда Tesla электрокарлари компанияси, Twitter (ҳозирда Х) ижтимоий тармоғи, Starlink, SpaceX ва бир қатор бошқа проектлар эгаси америкалик бизнесмен Илон Маск ўзининг ММА бўйича жангини Instagram ва Facebook компаниялари эгаси Марк Цукербергга қарши ўтказиши анча вақт олдин маълум бўлган эди. Маск кеча ушбу жанг бўйича деталларни маълкм қилди:
"Цукербергга қарши жангим UFC доирасида эмас, менинг ва Маркнинг фонди орқали ташкил этилади. Жонли трансляция менинг Х ижтимоий тармоғи (собиқ Twitter) ва Цукербергга тегишли Meta платформаси орқали амалга оширилади. Кадрга тушадиган барча лаҳзалар қадимги Рим муҳитини тасвирлайди ва у ерда ҳеч қандай замонавий руҳ бўлмайди. Аллақачон, Италия бош вазири ва Маъданият вазири билан бу бўйича гаплашиб олдик. Улар ҳам бу каби қадимий муҳит уфуриб турадиган жойда бундай олишувни амалга ошишига ҳайрихоҳлик билдиришди. Ҳамма бўлажак воқеалар Италиянинг бугуни ва ўтмишига бағишланади. Жанг тушадиган барча маблағ ҳайрия мақсадида йўналтирилади!"