Инфантино ФИФА президенти лавозимига қайта сайланади

ФИФА президенти Жанни Инфантино 2031 йилгача ўз лавозимида қолишни режалаштирмоқда. Функционернинг ўзи 2027 йилда янги муддатга қайта сайланиш ниятини Ванкуверда (Канада) бўлиб ўтаётган ФИФА конгрессида эълон қилди.

Инфантино 2016 йилдан буён ФИФА президенти лавозимида ишлаб келмоқда. Ташкилот низоми ушбу лавозимда бўлишнинг максимал муддатини тўрт йиллик уч муддат билан чеклайди. Бироқ 2022 йилда ФИФА кенгаши Инфантинонинг 2016-йилдан 2019 йилгача президентликдаги биринчи муддатини ҳисобга олмасликка қарор қилди.

Шундай қилиб, Инфантино учун тўртинчи муддат учинчи муддат бўлади ва ғалаба қозонган тақдирда унинг лавозимда бўлиш муддатини 15 йилга узайтиради. 2023 йилги сайловларда у ягона номзод бўлган.