Инфантино лавозимини сақлаб қолиш учун Трампдан ёрдам сўраяпти

ФИФА президенти Жанни Инфантино ўз лавозимини сақлаб қолиш учун АҚШ президенти Дональд Трамп маъмурияти ёрдамини кутяпти. 

Бу ҳақда  New York Post онлайн-нашри хабар берди. Нашр манбаларига кўра, Инфантино АҚШ давлат котиби Марко Рубио билан учрашиб, ўзининг келажаги ҳақида ҳам суҳбатлашишни режалаштирган.

Бундан аввалроқ, ФИФА раҳбариятидаги бир қатор юқори лавозимли шахслар, жумладан, бош котиб Маттиас Графстрём Инфантино истеъфосини талаб қилаётгани маълум қилинган эди. Уларга кўра, акс ҳолда унга нисбатан ишончсизлик вотуми эълон қилиниши эҳтимоли катта. 

ФИФА президенти сайлови 2027 йил 17 март кунига белгиланган.

Инфантино 2016 йил февралидан бери ФИФАга раҳбарлик қилиб келмоқда. Ундан олдин у УЕФА тизимида фаолият юритган.