"Интер" бош мураббийи аламли мағлубиятнинг асосий сабабини айтди

"Интер" бош мураббийи Кристиан Киву Клублар ўртасидаги Жаҳон чемпионати 1/8 финалида "Флуминенсе"га қарши кечган ўйиндан сўнг ўз фикрларини билдирди (0:2). 

"Биз таслим бўлмадик ва охиригача курашишга уриндик. Барча имкониятларимизни ишга солдик, тактик жиҳатдан ўзгаришлар қилишга ҳаракат қилдик. Аммо бу бизнинг кунимиз эмас эди" — деб Кивудан сўз келтиради ФИФА расмий сайти.

Шунингдек, мураббий рақибнинг тактикаси улар учун кутилмаган бўлганини таъкидлади:

"Флуминенсе"нинг беш нафар ҳимоячи билан ўйнайди, деб ўйламагандик. Бу бизга айниқса биринчи бўлимда жиддий муаммо туғдирди. Муаммонинг ечимини топиш қийин бўлди" - дея ўз сўзларини якунлади.

Эслатиб ўтамиз, "Флуминенсе" 1/4 финалда "Манчестер Сити" — "Ал-Ҳилол" жуфтлигининг ғолиби билан баҳс олиб боради.