“Интер” Икардини қўйиб юбормасликка ҳаракат қилмоқда
Ads

Миланнинг “Интер” клуби ҳужумчи Мауро Икардининг 2018 йилнинг ёзидан кучга кирадиган шартномасини қайта кўриб чиқмоқчи. “Нерадзуррилар” унинг янги шартномасидаги 90 млн еврога сотиб олиш мумкинлиги борасидаги бандини олиб ташлашни режалаштирмоқда.

Football Italia хабарига кўра, “Интер” унинг маошини 4,7 млн евродан 6,5 млн еврога кўтаришга рози. Икардининг вакиллари эса йилига 7 млн евролик маош сўрамоқда.

Маълумот учун, аргентиналик форвард “Интер” сардори саналади ва бу мавсум А Серияда 22 та баҳсда майдонга тушди ҳамда 18 та гол киритишга эришди.