"Inter" jarohatlangan Xandanovichning holati bo‘yicha ma’lumot berdi

"Inter" matbuot xizmati darvozabon Samir Xandanovichning jarohati bo‘yicha rasmiy bayonot berdi.

"Samir Xandanovich chap ko‘lidan olgan jarohatidan so‘ng rengtgen tekshiruvi o‘tkazildi, unda darvozabonning kichkina barmog‘i singanligi aniqlandi", - deyiladi bayonotda.

Ma’lumotlarga ko‘ra, uning tiklanish jarayoni bir oy davom etishi mumkin ekan. Bu vaqt ichida klub A Seriya doirasida "Milan" va "Latsio", shuningdek, Evropa Ligasida "Ludogorets" bilan bahs olib boradi.