"Интер" Контега таниш бўлган "Челси" футболчисини сотиб олмоқчи

Миланнинг "Интер" клуби "Рома"га кетиши кутилаётган ярим ҳимоячи Маттео Политано ўрнига муносиб ўринбосар топиб қўйди.

Италиялик журналис Жанлуки Ди Марционинг хабар беришича "нерадзуррилар" Политано ўрнига "Челси" хавбеки Виктор Мозесни олиб келишмоқчи. Таъкидлаш керакки, Мозес ўз вақтида “Челси”да “Интер”нинг ҳозирги устози Антонио Конте қўл остида тўп сурган.

Маълумот учун, Мозес мавсумни “Фенербахче” сафида ижарада ўтказмоқда. У жорий мавсум 7 та ўйинда майдонга тушди ва 1 та гол ҳамда 1 та голли узатмага муаллифлик қилди.