"Интер" Маркос Алонсони ўз сафига қўшиб олмоқчи

Лондоннинг "Челси" клуби ҳимоячиси Маркос Алонсо жамоадан кетишга яқин турибди.

The Telegraph нашрининг ёзишича 29 ёшли испаниялик футболчи "аристократлар" бош мураббийи Фрэнк Лэмпарднинг режаларига кирмайди ва шу боис “Челси” уни январдаёқ сотиб юборишни режалаштирган.

Маълумотларга қараганда Алонсони кейинчалик сотиб олиш ҳуқуқи билан "Интер" ижарага олмоқчи.

Эслатиб ўтамиз, Маркос Алонсо жорий мавсум “Челси” сафида 14 та ўйинда майдонга тушди ва ўз ҳисобига 1 та гол ҳамда 3 та голли узатма ёздириб қўйишга эришди.