"Интер" Мартинеснинг трансфери бўйича юборган таклифига рад жавобини олди

"Интер" "Астон Вилла" дарвозабони Эмилиано Мартинесни ўз сафига қўшиб олмоқчи. TyC Sports нашри хабарига кўра, италян клуби аргентиналик дарвозабон учун 15 миллион евро таклиф қилган, бироқ рад жавобини олган. Энди "Интер" таклифни ошириш ҳақида ўйламоқда.

Айни дамда Мартинеснинг трансфери бўйича келишув йўқ. Клуб футболчининг агенти билан алоқада. Эмилиано ҳозирда “Астон Вилла”да мавсумолди машғулотларини ўтказмоқда.

30 ёшли дарвозабон ўтган мавсум “Астон Вилла” сафида барча турнирларда жами 37 та ўйинда майдонга тушиб 39 та гол ўтказиб юборди ва 13 та ўйинда ўз дарвозаси дахлсизлигини сақлаб қолди.