“Интер” Моуриньога мурожаат қилди

“Интер” клуби Конференциялар лигаси бош совринини қўлга киритган “Рома” ва жамоа бош мураббийи Жозе Моуриньони табриклади.

- “Рома” ва Жозе Моуриньони Конференциялар лигасидаги муваффақияти билан табриклаймиз. Европада ғолиб чиқиш, бу ўзгача туйғу, - дейилади “Интер” расмий баёнотида.

Эслатиб ўтамиз, “Интер”нинг ўзи Европа миқёсидаги сўнгги совринини айнан Жозе Моуриньо қўл остида қўлга киритган. 2010 йилги Чемпионлар лигасида миланликлар барча рақибларини енгиб, мусобақа ғолиби бўлган.

Қизиғи шундаки, “Интер”дан кейин “Рома”гача Италиянинг бирорта клуби қитъа миқёсидаги турнирларда бош совринга эга чиқмаган. Ҳар икки ҳолатда ҳам Италия жамоаларига Жозе  Моуриньо устозлик қилган.