“Интер” Шнейдерленни сотиб олиши мумкин

“Манчестер Юнайтед” ярим ҳимоячиси Морган Шнейдерлен фаолиятини Миланнинг “Интер” клубида давом эттириши мумкин. La Gazzetta dello Sport нешрининг маълум қилишича, “нерадзуррилар” 27 ёшли французни январьда сотиб олишлари мумкин.

Юқоридаги манбаанинг ёзишича, шартнома шартлари ҳозирча ошкор этилмаяпти. Эслатиб ўтиш лозим, “МЮ” Шнейдерленни ўтган йили “Саутгемптон”дан 28,5 миллион евро эвазига сотиб олган эди. Бу мавсум  франциялик футболчи “қизил иблислар” сафида асосий таркибда бирон мартта ҳам майдонга тушмаган.

Аввалроқ, унинг “Эвертон”га ўтиши ҳақида хабарлар тарқалган эди.