"Inter" va "Atalanta" ChLning guruh bosqichida qatnashadi

A Seriyaning 34-turida "Inter" safarda "Roma" bilan 2:2 hisobida durang o‘ynadi.

Shundan so‘ng, Rim klubi kuchli to‘rtlikka kirish imkoniyatini deyarli yo‘qqa chiqardi.

72 ochko bilan ikkinchi o‘rinni egallab turgan "Inter" va 71 ochko jamg‘arib ulgurgan "Atalanta" klublari kuchli to‘rtlikdan joy olishi aniq bo‘ldi va EChLning kelasi mavsumida guruh bosqichida qatnashadi.

Eslatib o‘tamiz, A Seriyaning kuchli to‘rtligidan joy olgan jamoalar chempionlar ligasining guruh bosqichiga to‘g‘ridan-to‘g‘ri yo‘llanma oladi.