"Интер" янги ҳужумчи топди

"Ювентус" ҳужумчиси Душан Влахович фаолиятини Италиянинг бошқа клубида давом эттириши мумкин. Бу ҳақда "Lа Stampa" нашри хабар бермоқда. 

Манба маълумотига кўра, 25 ёшли форварднинг хизматларига "Интер" қизиқиш билдирмоқда. Миланликлар сербиялик футболчини  эркин агент сифатида ўз сафига қўшиб олишни режа қилган. Душаннинг "Ювентус" билан амалдаги шартномаси 2026 йилнинг ёзида якунига етади.

Маълумот учун, Влахович 2022 йилдан бери туринликлар сафида ҳаракат қилиб келмоқда. Шу давр мобайнида форвард 162 та учрашувда майдонга тушиб, 64 та гол киритди ва 16 та голли узатма амалга оширган.