Инзаги: Бизни 5 та учрашувда қийин аҳволга солиб қўйган "Милан"ни ҳурмат қилишмиз керак

"Интер" бош мураббийи Симоне Инзаги Италия кубоги ярим финали доирасидаги "Милан"га қарши дербидаги йирик мағлубиятдан (0:3) сўнг беллашув ҳақида ўз фикрларини билдирди.

"Мағлубият учун мухлисларимиздан узр сўраймиз ва бу натижадан жуда афсусдамиз. "Милан" ҳурматга лойиқ жамоа. Биринчи бўлимдан кейин хафсалам пир бўлди. Яратилган вазиятлардан кейин шогирдларим ҳисобни очишга кўпроқ ҳақли эди. Иккинчи бўлимда бурчак тўпидан гол ўтказиб юбордик, омадимиз келмади. Шундан кейин биз анча ёмон ўйнадик.

Очиғи, биз кетма-кет икки ўйинда  мағлуб бўлишга ўрганмаганмиз. Бу икки мағлубиятни тўғри таҳлил қилишимиз лозим.  "Болонья"га қарши баҳсда ҳам мағлубиятга лойиқ эмасдик ва бугун эса шунчаки,  иккинчи бўлимда рақибга  кучимиз  етмади. Балки Де Врейнинг голи бизни ўйинга қайтариши мумкин эди, аммо бу мавсумдаги охирги ўзаро бешта ўйинда бизни қийин аҳволга солиб қўйган "Милан"ни ҳурмат қилишимиз керак", - деди Инзаги. 

Эслатиб ўтамиз, улар ўртасида  биринчи ўйин дуранг билан якунланганди. (1:1) Аммо икки ўйин натижасига кўра, "россонерилар" турнир финалига йўл олди. Италия кубоги финалида  миланликлар “Болонья” – “Эмполи” учрашуви ғолиби билан куч синашади.