Исак "Ньюкасл" билан ишлашдан бош тортмоқда

"Ньюкасл" ҳужумчиси Александер Исак жамоа учун ўйнаш ва машғулотларда иштирок этишдан бош тортди. У клуб раҳбариятини муайян ваъдага амал қилмаганликда айблаб, расмий баёнот ҳам эълон қилган эди.

"The Telegraph" нашрининг хабарига кўра, швециялик форвард ўз қароридан қайтмоқчи эмас ва "Ливерпуль"га ўтишни талаб қилмоқда. "Ньюкасл" директорлари билан бўлган учрашув ҳам натижа бермади.

Маълумотларга қараганда, мерсисайдликлар Исак учун яна таклиф тайёрламоқда, аммо "қарғалар" раҳбариятидан сигнал кутмоқда. Шу билан бирга, "қизиллар" 150 миллион фунт тўлаш ниятида эмас — клуб аввалроқ шунча миқдорни талаб қилган эди.