Исак "Ньюкасл"дан кетишга қатъий қарор қилди

25 ёшли шведциялик ҳужумчи Александр Исак "Ньюкасл"ни тарк этиш ниятида. "The Times" нашрининг хабарига кўра, у сўнгги уч йил давомида яшаб келган Англиянинг шимолий-ғарбидаги уйини ҳам тарк этган.

Манбаларга кўра, Исак "Ливерпуль"га ўтиши амалга ошмаса ҳам, "Ньюкасл" сафида қолишни режалаштирмаяпти.

Аввалроқ ОАВ "Ливерпуль" Исак учун 110 миллион фунт (тахминан 127,5 миллион евро) таклиф қилгани, аммо "Ньюкасл" бу таклифни тезда рад этгани ҳақида хабар берган эди. Мерсесайдликлар ҳозирча иккинчи таклифни йўллагани йўқ.

Эслатиб ўтамиз, Исак "Ньюкасл" таркибида 109 та учрашувда майдонга тушиб, 62 та гол урган ва 11 та голли пас берган.