Иско “Реал” раҳбарларига мурожаат қилди
“Реал” ярим ҳимоячиси Иско клуб раҳбариятига мурожаат қилиб, ўзини тезроқ трансфер қилишни сўради.
Исконинг манфаатларини ҳимоя қилаётган агентлар қишки трансферлар мавсумида унга янги жамоа топиши керак бўлади. Чунки истеъдодли плеймейкер келаси ёзда бўладиган Европа чемпионатида иштирок этишни истамоқда. Испания терма жамоасидаги ўрнини сақлаб қолиши учун Иско мунтазам ўйин амалиётига эга бўлиши талаб этилади.
Аввалига, “Реал” раҳбарияти Искони 40 миллион еврога баҳолаган эди. Маҳоратли плеймейкерга харидор кўпайиб кетгач, бу сумма 60-70 миллион еврога кўтарилди.
Исконинг “Қироллик клуби” билан амалдаги шартномаси 2022 йилнинг ёзигача тузилган.
Фикрлар