Islam Maxachev Jon Jonsga kutilmagan javob qaytardi! (foto)

UFC engil vazn toifasi chempioni Islam Maxachev Jon Jonsning tanqidlariga javob qaytardi.

Islam Maxachev vazn toifasidan qat’i nazar eng kuchlilari reytingi P4P da etakchilik qilmoqda. Ammo UFC prezidenti Dana Uayt Jon Jonsni nafaqat og‘ir vazn toifasi chempioni emas, balki promoushenning eng yaxshi jangchisi deb biladi. Jons ham orada Islamni yaxshigina tanqid qilgandi. Maxachev esa quyidagicha javob qaytardi:

"2021 yildan beri men ettita jangchini mag‘lubiyatga uchratdim, siz esa faqatgina bitta. Kechirasiz Jons", - deb yozdi Maxachev ijtimoiy tarmoqlarda.

Eslatib o‘tamiz, Jon Jons 2020 yilda yarim og‘ir vazn toifasini tark etgach, bir marta jang o‘tkazib, 2023 yilning mart oyida og‘ir vazn toifasida chempionlik jangida Sirill Ganni "gilotina" usuli orqali mag‘lub etgandi.