Ислом Абдужабборов: Тактика томонлама эндигина 5-10 фоиз нарсани майдонда кўрсатишни бошладик

Ўзбекистоннинг энг кучли медиа клуби ҳисобланмиш "ФК Анвонтед" айни пайт Қозоғистонда бўлиб ўтаётган МФЛ турнирида иштирок этмоқда. Жамоа гуруҳ босқичидан сўнгги турда йирик 7:1 ҳисобида ғалаба қозониб, иккинчи ўрин билан ярим финал босқичига йўл олди. "Sports.uz" клуб асосчиси Ислом Абдужабборов билан қисқа интервью ташкил қилди. У жамоанинг ўйин томонлама ўсгани, яқин келажакда уларни тарк этаётган футболчиси ва медиаси ҳақида гапириб ўтди. Қуйида интервьюни ўқишингиз мумкин:

Сиз буёғига ўйин томонлама ҳам ривожланамиз, деганингиздан кейин, ростан ҳам жамоа бу борада катта ўсишга эришди. Бу қанчалик қийин бўлди? Қозоғистонда бўлиб ўтаётган турнирдан кўриниб турибдики, майдонда бир йил олдинги "Анвонтед"дан анча кучли жамоа ҳаракат қиляпти.

- Ҳозир ҳали ҳам вазиатдан келиб чиқиб, иш олиб борябмиз. Бу нарсаларни орқасида қанча меҳнат, қанча қийинчилик ётганини кўпчилик тасаввур ҳам қилолмайди. Тактика томонлама эндигина 5-10% нарсани майдонда кўрсатишни бошладик. Бу қисқа муддат ичида жуда яхши натижа деб ўйлайман. Турнирлардан сал қутилиб олсак, янада кўпроқ ишлашимизга вақт бўлади.

Шахриёр Жабборов ҳақида гапирсангиз, у ўйиндан ўйинга очилиб боряпти ва спорт формаси жуда зўр ҳолатда, Яқин йилларда биз уни профессионал футболда кўрамизми, нима деб ўйлайсиз?

- Катта эҳтимол, Шаҳриёр билан бу турнирдан кейин ҳайрлашамиз. У учун жуда катта медиа клублар кураш олиб борди. Ҳозир келишувга деярли эришдик, десак ҳам бўлади. Бу трансфердан футболчи ҳам, "Unwanted Boys" ҳам ютқазмайдиган келишув бўлмоқда. Унинг жамоадан кетиш фоизи 80-20.

"ФК Анвонтед" медиаси ҳақида гапирмоқчи эдим. Профессионал клубларимизникидан анча кучли. Медиангизда нечта одам ишлайди ва бунга қанчалик кўп пул сарфланадики, суперлига клубларимиз у пулларни сарфлашни хоҳлашмайди, ёкида сарфлай олишмайди. Бу борада жамоаларимизга қандай маслахатлар бера оласиз?

- Суперлига жамоаларини ёмонлаш ниятим йўқ, бизни йўналиш сал бошқача ва уларга фақат омад тилаб қоламан. "Анвтонтед"га келадиган бўлсак, футболчилардан ташқари жамоа структурасида 10-15 киши иш олиб боради. Бу ерда гап пулда ҳам эмас, энг асосийси керакли жойга керакли одамни қўйиш. Мен кўпроқ ёшларга тайянган ҳолда жамоамни ёритиб бораман. Кўзи ёнган болани кўрсам, шу заҳоти командага тортаман ва бир биримизни ҳаётимизни янада гўзал қилишга ҳаракат қиламиз. Ҳозирги кунда медиа энг муҳим нарса. Шунда ҳам айни пайтда "Унwантед" бу томонлама барча хоҳлаган нарсаларимни қимоқда, деб айтолмайман. Озгина вақт ва ҳақиқий медиа қанақа бўлишини кўрсатамиз.

Жаҳон чемпионати ҳақида икки оғиз: Табиийки, у ерда дунёнинг энг кучли медиа клубларига қарши ўйнадинглар ва менимча, кўп нарсаларни ўзингиз учун кашф қилиб келдингиз. "Анвонтед"дан яқин келажакда катта янгиликлар кутсак бўладими?

- Тўғрисини айтсам, Жаҳон чемпионатидан бери ҳали ҳам бир ўтириб, тартиб билан иш олиб бориш учун режа тузишга вақт бўлмади. У ерда жуда ва жуда кўп нарсаларни ўрганиб келдим. Насиб қилса секин секин яхшилашиб борамиз.