Ислом Аҳмедов: "Бу бизга катта дарс бўлди"

Ўзбекистон Кубоги иккинчи туридан ўрин олган “Андижон ФА” – “Қўқон-1912” (0:7) учрашувидан кейин мезбонлар устози Ислом Аҳмедов ўз фикрлари билан ўртоқлашди.

- Барибир тажриба ўз сўзини айтди. Иккинчи бўлимда футболчиларимиз чарчаганлиги ҳисобига мувозанатни йўқотишди. Натижада рақиб якунловчи нуқталарни аниқ бажардилар. Бизда ҳам имкониятлар бўлди. Аммо ёшлик қилишди ва вазиятларимиздан фойдалана олмадик. Бу бизга катта дарс бўлди. Йўл қўйган хатоларимиз устида ишлаймиз.

- Биринчи бўлимда вазият яхши кетаётганди ва 0:0 ҳисобида якунланди. Иккинчи бўлимда эса 7 та гол ўтказиб юборилиши – бу жуда кўп. Буни қандай изоҳлаган бўлардингиз?

- Асосан футболчиларимизнинг ёшлиги, чарчоқ сабабли мувозанатни йўқотишгани ҳисобига бўшлиқлар пайдо бўлди. Барибир жисмоний ҳолат ҳам роль ўйнади.

- Бу учрашувдан нима олдингиз?

- Катта тажриба бўлди. Ўйинни ёзувини кўриб чиқиб, хатолар устида ишлашда давом этамиз.