Ислом Махачев МакГрегор – Чэндлер жангида фаворит номини айтди

Енгил вазн тоифасида UFC чемпиони Ислом Махачев икки дивизионнинг собиқ чемпиони Конор МакГрегор(22-6) ва Майкл Чэндлер(23-8)нинг бўлажак жангдаги имкониятларини баҳолади.

 "Конор Чэндлерни биринчи раунддаёқ нокаутга учратиши мумкин, аммо жанг иккинчи ёки учинчи раундга қадар давом этса, Майкл ғалаба қозонади деб ўйлайман. Чэндлер чидамлилик билан боғлиқ муаммоларини бартараф этса бўлгани", – деди Ислом.

Эслатиб ўтамиз, ирландиялик ва америкалик 29 июнь куни АҚШ нинг Лас-Вегас шаҳрида ўтказиладиган "UFC 303" турнирининг асосий тўқнашувида жанг қилади.