Ислом Махачевнинг бу йил нечта жанг ўтказиши маълум бўлди

Таниқли менежер Али Абдел-Азизнинг айтишича, енгил вазн(70,3 кг) тоифасида амалдаги UFC чемпиони Ислом Махачев(25-1) бу йил камида иккита жанг ўтказади.

“UFC Исломга қайси саналарни таклиф қилишидан қатъи назар, у бу йил камида иккита жанг ўтказади. Бу 100 фоиз”, – деди Али Абдел-Азиз The Schmo нашрига берган интервьюсида.

Аввалроқ интернетда Ислом июнь ойида енгил вазн тоифасида чемпионлик унвони учун асосий даъвогарлардан бири Жастин Гэтжи(25-4) билан жанг қилиши мумкинлиги ҳақида миш-мишлар пайдо бўлганди.

Эслатиб ўтамиз, Махачев сўнгги жангини ўтган йилнинг октябрь ойида ўтказиб, биринчи раундда Алекс Волкановски(26-4)ни нокаут эвазига мағлуб этганди.