Испания кубоги . Ғолиб номи пенальтилар сериясидан сўнг аниқланди

Испания кубоги финалидан ўрин олган "Бетис" - "Валенсия" учрашуви бўлиб ўтди. 

Дастлаб, 11-дақиқада Борха Иглесиас ҳисобни очди. 30-дақиқа ўтиб бораётган бир пайтда Уго Дуро мувозанатни тиклади. Ўйиннинг асосий вақтида бошқа ҳисоб ўзгармади. 

Экстра таймларда ҳам 1:1 ҳисоби сақланиб қолди. Шу тариқа, навбат пенальтилар сериясига келди. Унда "қурбақалар" 5:4 ҳисобида ғалаба қозониб, Испания кубоги соҳибига айланди.