Испания Кубоги. Илк финалчи номи маълум

Испания Кубоги ярим финалидан ўрин олган "Атлетик" - "Осасуна" баҳси бўлиб ўтди. Унда жамоалар 1:1 ҳисобидаги дурангга имзо чекди.  

Дастлаб, 33-дақиқада Уильямс ҳисобни очди. Асосий вақтда мазкур гол ягоналигини сақлаб қолди ва мухлислар экстра таймлар гувоҳи бўлди. Қўшимча вақтнинг 116-дақиқасида Ибаньес мувозанатни тиклади ва ушбу гол "Осасуна"нинг финалга чиқиши учун етарли бўлди. 

Гап шундаки, памплоналиклар биринчи тўқнашувда 1:0 ҳисобида ғалаба қозонганди. Икки беллашув натижасига кўра, "Осасуна" 2:1 ҳисобида билбаоликлардан устун келди. 

Маълумот ўрнида, Аррасате шогирдлари финалда "Барселона" ҳамда "Реал" ўртасидаги баҳс ғолибига қарши бош соврин учун кураш олиб боради.