Ispaniya superkubogi. "Real" va "Barselona"ning raqibi ma’lum

Ispaniya superkubogida ishtirok etadigan 4 jamoaning nomi aniqlandi. Unga ko‘ra, La Liga chempioni "Real", vitse-chempion "Barselona", kubok sohibi "Betis" hamda kubok finalchisi "Valensiya" superkubok yarim finalida qatnashish huquqini qo‘lga kiritdi.

Dastlabki yarim final bahsi "Real" va "Valensiya" jamoalari o‘rtasida bo‘lib o‘tadi. Keyingi bellashuvda "Barselona" "Betis" bilan orani ochiq qiladi.

Eslatib o‘tamiz, oxirgi superkubokda "Real" Madrid g‘oliblikni qo‘lga kiritgandi. Finalda "qaymoqranglilar" "Atletik"ni 2:0 hisobida mag‘lub etgan.