Испания терма жамоаси ўйинчилари Родрини «Реал»га ўтишдан олдин огоҳлантирди

«Манчестер Сити» ярим ҳимоячиси Родри шу ёзда Мадриднинг «Реал» жамоасига ўтиши мумкинлиги ҳақида хабарлар пайдо бўлди.

Маълумотларга кўра, «шаҳарликлар» етакчиси ўзи ҳам «қироллик клуби» сафида тўп суриш истагини билдирган. 

Бироқ The Touchline нашри ёзишича, Испания терма жамоасидаги айрим жамоадошлари унга бу қарор бўйича шошилмасликни маслаҳат берган. Улар «Реал» кийиниш хонасидаги кескин муҳит ҳақида гапириб, Родрини огоҳлантиргани айтилмоқда. 

Манбага кўра, хавбекка бу ҳақда ҳозирги ва собиқ терма жамоа футболчилари тушунтиришга уринган, аммо аниқ исмлар очиқланмаган.

Ҳозирча клублар Родри трансфери шартлари юзасидан келишувга эриша олгани йўқ. Шунга қарамасдан, 30 ёшли жаҳон чемпиони «Реал» учун ёзги трансфер ойнасининг устувор номзодларидан бири сифатида кўрилмоқда. Футболчининг «Манчестер Сити» билан амалдаги шартномаси келаси йил ёзида ўз ниҳоясига етади.