Испания ва Эрон: Икки спортчимиз легионерга айланди!

Сўнгги йилларда мамлакатимизда велоспортга қаратилаётган эътибор самарасида бир қатор иқтидорли велопойгачилар камол топмоқда.

Натижада велоспортчиларимиз турли нуфузли мусобақаларда мунтазам иштирок этган ҳолда ўз иқтидорларини намойиш этаётир.

Ўтган йилги мавсумда янгидан-янги зафарларни қўлга киритган Ўзбекистон миллий терма жамоаси аъзолари Янина Кускова ҳамда Нафосат Қозиева фаолиятида ажойиб янгилик бўлди.

 Жумладан, Нафосат велоспортнинг шоссе йўналишидаги янги мавсумда Эроннинг "S.P.T. Crown Continental Team" клуби шарафини ҳимоя қиладиган бўлди. 

“Париж-2024” Олимпия ўйинлари иштирокчиси Янина Кускова эса Испаниянинг "Laboral Kutxa - Fundación Euskadi" жамоаси сафига қўшилди.