Испания ёшлар термаси бош мураббийи: "Ўзбекистоннинг бу термасида яхши жамоа шаклланган"

Ўзбекистон Jлимпия терма жамоаси ҳамда Испания U21 термалари ўртасида халқаро ўртоқлик учрашуви бўлиб ўтди ва ўйин 0:0 ҳисобидаги дуранг билан якунланди. 

Беллашувдан сўнг Испания термаси бош мураббийи Санти Дениа матбуот анжуманида иштирок этди ва ўз фикрлари билан ўртоқлашди. 

"Бу ўйин жуда ҳам аҳамиятли бўлди. Тўлиқ таркибни ҳам синаб кўриш имкони бўлди. Олдиндаги ўйинларга ҳам тайёргарлик кўриб олдик, деб ўйлайман.

Аввало, ушбу ажойиб баҳс билан жамоангизни табриклайман. Уларнинг Олимпиада томон йўл олишига ишонса бўлади. Сизда яхши жамоа шаклланган. 

Биз бу ўйинда тўпга эгалик қилишни жуда истадик. Қайсидир паллада биз мақсадимизга эришдик, аммо баъзи вақтларда Ўзбекистон яхшироқ ҳаракат қилди ва тўп назоратига эгалик қилди.

Футзал терма жамоангиз бош мураббийи билан кўп вақт бирга иш олиб борганмиз. Уни жуда яхши танийман. Шу фурсатдан фойдаланиб, футзал терма жамоангизга ҳам омад ва зафарлар тилаб қоламиз!", - деди мутахассис.