Исраэль Адесанья "Эдвардс – Белал" жангида ким ғолиб бўлишини айтди

Ўрта вазн тоифасида собиқ UFC чемпиони Исраэль Адесанья Леон Эдвардс ва Белал Муҳаммад жанги учун ўз тахминларини билдирди.

 "Белал прессинг қобилиятига эга, рақибга тез мослаша олади, аммо менимча, Муҳаммад бу сафар буни уддалай олмайди. Леон уни еб ташлайди. Менда Белалга нисбатан ҳеч қандай салбий муносабат йўқ. Шунчаки, Эдвардс масофани яхши ҳис қилади, шунинг учун унга яқинлашиш жуда хавфли. Агар Белал буни унутса, хавфли вазиятга тушиб қолади. Тўғри, Муҳаммад грапплингда устунликка эга бўлиши мумкин, аммо Леон ҳам бу борада анча маҳоратли.  Менинг тахминим - Эдвардс иккинчи ёки учинчи раундда нокаут эвазига ғалаба қозонади", - дея Адесаньядан иқтибос келтиради MMAfighting  портали.

 Эслатиб ўтамиз, Эдвардс(22-3-1 N/C) ва Муҳаммад(23-3-1 N/C) ўртасидаги жанг "UFC 304" турнирида бўлиб ўтади.