Исроил Мадримов навбатдаги ғалабага эришди

Ҳозиргина якунланган  Исроил Мадримов иштирокидаги жангда юртдошимиз ғалаба қозонди. Исроил дастлабки раундларданоқ кучли прессинг уюштирди ва бунинг оқибатида биринчи раунднинг ўзида Алехандро Барррерани нокдаун ҳолатига туширди. Лекин рақиб ўзини ўнглаб олди. Шундай бўлсада қолган раундларда ҳам юртдошимиз катта устунликка эришди. Мексикалик боксчи эса, 5 раундга қадар туриб бера олди. айнан ушбу раундда Исроилнинг кетма-кет зарбалари жанг масаласини ҳал қилди ва рақибини техник нокаутга учратди. Мазкур ғалаба ҳамюртимизнинг профессионал боксдаги тўртинчи ғалабаси бўлди. Барчасида у рақибларини муддатдан аввал мағлубиятга учратган.