Isroil Madrimov va Virjil Ortis matbuot anjumanida nimalar dedi?

Xabaringiz bor, ertaga Saudiya Arabistonida katta boks kechasi bo‘lib o‘tadi. Bugun mazkur oqshomga bag‘ishlangan matbuot anjumani o‘tkazildi. Unda hamyurtimiz Isroil Madrimov va uning raqibi Virjil Ortis ham ishtirok etib, bahs oldidan o‘z fikrlarini bildirishdi.

Isroil Madrimov:
- Faoliyatimning boshidanoq katta janglarga intildim. "Riyadh Season" uchun Turki Al ash-Sheyxga rahmat. Oldinda yana katta to‘qnashuv kutib turibdi. Inshoolloh, ajoyib jang o‘tkazib, boks muxlislariga o‘z mahoratimni ko‘rsataman.

Virjil Ortis:
- Ko‘p gapirmoqchi emasman. Menimcha, bizning jangimiz kechaning eng yaxshi jangi maqomini oladi. Bunday ajoyib boks kechasida ishtirok etish men uchun sharaf va men imkoniyatimni qo‘ldan boy bermayman.

Eslatib o‘tamiz, janglar O‘zbekiston vaqti bilan ertaga, 19:30 da start olishi rejalashtirilgan.