Istalgan klub “Roma” hujumchisini olish imkoniga ega bo‘ldi

“Roma” tarkibidagi jahon chempioni Paulo Dibalani kelasi yozda 12 million evroga transfer qilish imkoni paydo bo‘ldi.

Argentinalik hujumchining Rim klubi bilan shartnomasi avtomatik tarzda 2026 yilning yozigacha uzaytirildi.

Biroq joriy mavsum tugaganidan keyin istalgan klub Dibalani belgilangan summaga sotib olish mumkin. Shartnomaning bu bandi faqat bir oy – 2025 yilning 1-31 iyul kunlari amal qiladi.

Dibala “Roma”ga 2022 yilning yozida erkin agent sifatida kelgan edi. Shundan beri 31 yoshli futbolchi 101 ta uchrashuvda qatnashib, o‘z hisobiga 39 ta gol va 21 ta assist rasmiylashtirgan.