Исталган клуб “Рома” ҳужумчисини олиш имконига эга бўлди

“Рома” таркибидаги жаҳон чемпиони Пауло Дибалани келаси ёзда 12 миллион еврога трансфер қилиш имкони пайдо бўлди.

Аргентиналик ҳужумчининг Рим клуби билан шартномаси автоматик тарзда 2026 йилнинг ёзигача узайтирилди.

Бироқ жорий мавсум тугаганидан кейин исталган клуб Дибалани белгиланган суммага сотиб олиш мумкин. Шартноманинг бу банди фақат бир ой – 2025 йилнинг 1-31 июль кунлари амал қилади.

Дибала “Рома”га 2022 йилнинг ёзида эркин агент сифатида келган эди. Шундан бери 31 ёшли футболчи 101 та учрашувда қатнашиб, ўз ҳисобига 39 та гол ва 21 та ассист расмийлаштирган.