Истомин яна бир турнирдаги иштирокини якунлади

Испаниянинг Вильена шаҳрида "Челленжер" туркумига кирувчи "Ferrero Open" турнири ўтказилмоқда. Унда ҳамюртимиз Денис Истомин ҳам иштирок этди.

Спортчимиз яккалик баҳсларининг 32/1 финал босқичида мезбонлар вакили Никола Кунга қарши кортга чиқди. Турнирнинг 8-тартиб рақам остида сараланган Истомин рақибига 2 сетда имкониятни бой берди: 7:6(7:5), 6:3.

Шунингдек, кеча ҳамюртимиз жуфтлик баҳсларида ҳам ўз юришини тўхтатишга мажбур бўлди. Канадалик Петер Поланский билан тандем ҳосил қилган Истомин бу сафар ҳам мезбон теннисчилар қаршилигини синдира олмади. Якуний ҳисоб: 6:3, 6:3.