Италия А Сериясига янги президент сайланди

Паоло Даль Пино Италия А Сериясининг янги президенти этиб сайланди. Бу ҳақда ташкилот расмий сайти хабар тарқатмоқда.

Юқоридаги манбаага кўра сайловда чемпионатнинг барча 20 та клуби вакиллари қатнашган ва уларнин 12 таси айнан Даль Пино номзодига овоз берган.

Маълумот учун, 57 ёшли Паоло Даль Пино бунгача ноширлик ва телекоммуникация соҳачида фаолият олиб борган. У Fininvest, Mondadori, Kataweb, Telecom, SEAT, Pirelli ва Wind компанияларида ишлаган.

Эслатиб ўтамиз, А Сериянинг аввалги президенти Гаэтано Миччике сайловда рўй берган можаролар сабаб ўтган йилнинг ноябрь ойида истеъфога чиққан эди.