Италия чемпиони “Сити” ўйинчисини олишга мажбур

“Интер” А Сериянинг жорий мавсумида муддатидан аввал чемпионликни қўлга киритди. Бунинг оқибатида Милан шаҳри жамоаси мавсум бошида “Манчестер Сити”дан ижарага олинган Мануэль Аканжини автоматик тарзда тўлиқ трансфер қилишига тўғри келади.

Швейцариялик ҳимоячининг ижара шартномасида агар “Интер” мавсум охирида Скудеттога эга чиқса, Аканжи автоматик тарзда миланликларнинг тўлақонли аъзосига айланиши бўйича банд киритилган.

Ўтган дам олиш кунлари “Интер” ўз тарихидаги 21-чемпионликни расмийлаштирганидан кейин клуб раҳбарияти энди швейцариялик футболчининг доимий трансфери учун тўлов қилишга мажбур.

Трансфер суммаси очиқланмаган, аммо Италия матбуоти уни тахминан 15 миллион евро атрофида, деб ҳисобламоқда.

Бу “Интер” учун жуда яхши битим, чунки жамоа тажрибали ўйинчини арзон нархда қўлга киритмоқда. Ушбу мавсумда Мануэль Аканжи барча мусобақаларда “Интер” сафида 44 та ўйинда қатнашиб, ҳимоядаги вазифаларини бажаришдан ташқари 2 та гол ҳам урган. У мунтазам асосий таркибда майдонга тушмоқда.