Италия футбол федерацияси президенти истеъфога чиқди

Италия футбол федерацияси (FIGC) президенти Габриэле Гравина истеъфога чиқди. Бу ҳақда Италия футбол федерацияси матбуот хизмати маълум қилди. Аввалроқ, Италия терма жамоаси 2026 йилги жаҳон чемпионати саралашининг сўнгги ўйинида Босния ва Герсеговинага имкониятни бой бериб қўйганди (1:1, 1:4 пен).

72 ёшли функционер ишдан кетиш ҳақидаги қарорини бугун, 2 апрель куни Римда федерация бўлинмалари раҳбарлари билан учрашувда эълон қилди. Гравина ўз лавозимини 2025 йил февралидан буён эгаллаб келаётганди. FIGC президентининг навбатдан ташқари сайлови 22 июнга белгиланган.

Эслатиб ўтамиз, Гравина қароридан сўнг Жанлуижи Буффон ҳам Италия терма жамоаси делегацияси раҳбари лавозимини тарк этишини эълон қилганди. "Скуадра адзурра" кетма-кет учинчи жаҳон чемпионатига чиқа олмади.