Италия нашри: Моуриньо ҳужумда Абрахам билан бирга тандем сифатида Дзаньоло ўрнига бошқа футболчидан фойдаланмоқчи. Бу ким бўлиши мумкин?

А Серияда навбатдаги тур старт олмоқда. Италия нашрлари доимгидек учрашувлар олдидан жамоалар ҳақида ўйин олди фикрларни тақдим этмоқда.

"La gazzetta dello sport" нашрида "Рома" - "Салернитана" баҳси олдидан таркиб, хусусан, ҳужумдаги футболчилар борасида қуйидаги фикрлар илгари сурилди.

Ҳужумда Тэмми Абрахам билан бирга ҳаракат қилаётган Николо Дзаньоло ўрнини Генрих Мхитарян эгаллайди. Римликларнинг олдинги чизиғида Жозе шундай ротацияни амалга оширмоқда. Лекин Николо Дзаньоло таркибдан тушиб қолмайди. Балки у ҳужум ортида таянч вазифасини бажаради. Вақти-вақти билан Мхитарян билан ўрин алмашиши мумкин.

Бу орқали мураббий битта ҳужумчининг ўзидан фойдаланишга, қолганлар захирадан майдонга тушишга "маҳкум" этилмоқда. Баъзан қанотда вингер ролида Стефан Эль-Шаарави ҳам пайдо бўлиб қолса ажаб эмас. Соф ҳужумчи Элдор Шомуродов қўшимча куч сифатида қаралмоқда.