Ivan Solovyov pro ligada o‘ynaydi

Superligadagi muvaffaqiyatsizlik sababli pro ligaga tushib ketgan “Lokomotiv” klubi bir yildan keyin yana elitadagi ishtirokini davom ettirish niyatida. Vazifa ham shunga yarasha.

Buning uchun rahbariyat tarkibni kuchaytirish harakatlarini boshlab yuborgan. Sports.uz saytiga ma’lum bo‘lishicha, “Lokomotiv” klubi “Nasaf” bilan xayrlashgan rossiyalik legioner Ivan Solovyov bilan kelishuvga erishgan va ikki yillik shartnoma imzolangan.

Solovyov 2022 yil boshida “Nasaf”ga ko‘chib o‘tgan bo‘lib, Superligada 20 ta uchrashuvda raqiblar darvozasiga 3 ta gol urdi.

Ungacha Ivanning 2019-2021 yillar davomida “Navbahor” sharafini himoya qilganidan xabardorsiz.