Жаҳон чемпионати: Ўзбек боксчисининг жанги биринчи раунддаёқ тўхтатилди

Ўзбекистонлик ёш боксчи Асадбек Султонбоев 19 ёшгача бўлган спортчилар ўртасидаги Жаҳон чемпионати-2026 финалига йўл олди. 

Черногориянинг Будва шаҳрида ўтаётган мусобақада у 90 килограммгача бўлган вазн тоифасида инглиз спортчиси Албе Доуэлл дисквалификация қилинганидан сўнг ҳал қилувчи босқичга чиқди. 

Ярим финалда Асадбек жангни фаол бошлаб, биринчи раундни тўлиқ назорат қилди ва ҳакамлар қарорига кўра 5:0 ҳисобида устунликка эришди. Иккинчи раундда эса Доуэлл қоидаларни бузгани учун рингдан четлатилди. Шу тариқа, Султанбоев жаҳон чемпионати финалига расман йўлланма қўлга киритди.

World Boxing ташаббуси остида ўтаётган ёшлар ўртасидаги жаҳон чемпионати 16–27 октябрь кунлари Будва шаҳрида ташкил этилган. Мусобақада 69 та миллий федерация вакиллари иштирок этмоқда. Улар 20 та вазн тоифасида — ўнта эркаклар ва ўнта аёллар йўналишида медаллар учун курашмоқда. Финал жанглари 27 октябрь куни бўлиб ўтиши режалаштирилган.