Жаҳон чемпионати: Сўнгги йўлланма соҳиби бугун аниқ бўлади!

Шу йилнинг 21 ноябрь – 18 декабрь кунлари Қатар жаҳон чемпионатини қабул қилади. Тўрт йилликнинг энг нуқузли мусобақасининг 32 та йўлланмасидан биттаси эгасини кутмоқда.

Европадан мундиалда Англия, Бельгия, Германия, Дания, Испания, Нидерландия, Польша, Португалия, Сербия, Франция, Хорватия, Швейцария ва Уэльс иштирок этади.

Жанубий Америка шарафини Аргентина, Бразилия, Эквадор, Уругвай футболчилари ҳимоя қилади.

Африка учун ажратилган йўлланмалар Гана, Марокаш, Сенегал, Камерун, Тунисга насиб қилган.

Осиёлик футбол ишқибозлари Эрон, Қатар, Саудия Арабистони, Жанубий Корея, Япония, Австралияга мухлислик қилади.

Шимолий Америкадан Канада, АҚШ, Мексика келади.

Сўнгги йўлланма тақдири бугун Қатарда Коста-Рика ва Янги Зеландия ўртасидаги учрашувдан сўнг аниқланади. Ўйин Тошкент вақти билан 23:00 да бошланади.