Жаҳон чемпионати трансляция ҳуқуқи бўйича зиддият кучайиб кетди

2026 йилги жаҳон чемпионати трансляция ҳуқуқи учун кескин рақобат бошланди. Франция Профессионал футбол лигаси (LFP) платформаси АҚШ, Мексика ва Канада майдонларида бўладиган навбатдаги жаҳон чемпионати трансляция ҳуқуқини сотиб олиш бўйича ФИФА билан келишувга эришган эди.

Ҳаммаси ҳал бўлгандек кўринган бир пайтда, Франциядаги Қатар телеканали – beIN Sports футбол ўйинлари трансляцияси учун кўпроқ маблағ таклиф қилиш ва ҳатто 2030 йилги жаҳон чемпионатининг трансляциясини сотиб олишга ҳам даъвогарлик қилмоқда ва бу хатти-ҳаракатлари орқали ФИФАнинг амалдаги келишувини бузишга уринмоқда.

​Экспертларнинг таъкидлашича, ФИФА ўзини қийин аҳволга солиб қўйди. Ваҳоланки, ўтган ҳафтада АҚШ, Канада ва Мексикада бўлиб ўтадиган жаҳон чемпионатининг 104 та ўйинини намойиш этиш ҳуқуқи якуний ҳал қилингандек эди. Ойлар давомида ҳеч қандай таклиф бўлмагач, ФИФА боши берк кўчадан чиқиш учун LFPнинг Ligue 1+  платформаси билан бутун мусобақани трансляция қилиш бўйича музокара ўтказди ва келишувга эришди. Ligue 1+  платформаси 104 та учрашувдан 54 тасини М6 канали билан биргаликда намойиш эталиган бщлди.

Келишув суммаси деярли 20 миллион еврони (17 млн евро ҳуқуқлар учун + 2,5 млн евро ишлаб чиқариш харажатлари) ташкил этган эди.