Jahon chempionatidagi shovvoz esingizdami? U markaziy o‘yinda "Benfika"ni mag‘lubiyatdan qutqarib qoldi

Portugaliya chempionatining 16-tur o‘yinlari davom ettirildi. "Benfika" markaziy uchrashuvda "Sporting" bilan 2:2 hisobida durang o‘ynadi. 

Ajoyib qarama-qarshilik qahramoni Gonsalu Ramush bo‘ldi. Hujumchi barqarorlikni saqlab qolishga harakat qilmoqda. "Sporting"ga qarshi o‘yindagi dubl uni to‘purarlar poygasida birinchi o‘ringa chiqib olishini imkonini berdi. 

Ma’lumot uchun, "Benfika" 41 ochko bilan turnir jadvalida birinchi o‘rinda bormoqda. To‘rtinchi o‘rindagi "Sporting"da 29 ochko mavjud. 

"Benfika" – "Sporting" 2:2 (1:1)

Gollar: Bax, 27 (0:1, avtogol); Ramush, 37 (1:1); Gonsalvesh, 53 (1:2); Ramush, 64 (2:2).