Жаҳон чемпиони Португалияни "ЖЧ-2026"да Роналдуни бойкот қилишда айблади

1998 йилда Франция терма жамоаси таркибида жаҳон чемпиони бўлган Юрий Жоркаефф 2026 йилги жаҳон чемпионатида Португалия терма жамоасини ҳужумчи Криштиану Роналдуни амалда бойкот қилганликда айблади.

«Агар сиз Криштиану Роналдуни терма жамоага чақирган бўлсангиз, бутун ўйин тизими унга мослашган бўлиши керак. Бу ерда эса мутлақо бошқача манзарани кўрдик. Унинг ўйинидан аниқ билиниб турди: ўз жамоаси Роналдуга ёрдам бермаяпти. Унга етарлича қўллаб-қувватлаш кўрсатишмади, унга қулай шароит яратишмади.

Биз Криштиануни йиллар давомида кузатиб келяпмиз – у доим бир хил услубда ўйнаган. Нимани кутаётган эдилар, у тўсатдан ўз ўйин услубини ўзгартирадими? Ёки умуман чақирмайсиз, ёки чақирсангиз, майдонга туширмайсиз. Лекин агар барибир майдонга тушираётган бўлсангиз, унда жамоани унинг атрофида қуришингиз шарт», – дея таъкидлади Жоркаефф.

1/8 финалда Португалия терма жамоаси Испанияга 0:1 ҳисобига мағлуб бўлиб, мусобақани тарк этди.

Турнир давомида Криштиану Роналду учта гол урди – иккитасини гуруҳ босқичида, биттасини плей-офф босқичида. Форвард жаҳон чемпионатларининг олти та мусобақасида гол урган илк футболчи сифатида тарихга кирди.