Жаҳон кубоги финалида илк бор ўзбекистонлик мерганлар иштирок этади

Жаҳон кубогининг финал босқичида илк бор ўзбекистонлик икки нафар мерган иштирок этадиган бўлди.

Жорий йилнинг 18-26-ноябрь кунлари Қатарнинг Доха шаҳрида ўқ отиш спорти турлари бўйича Жаҳон кубогининг финал босқичи бўлиб ўтади.

Халқаро ўқ отиш спорти федерацияси мазкур мусобақада иштирок этиш учун илк бор Ўзбекистон терма жамоасининг 2 нафар аъзоси - Муҳаммад Камалов ва Владимир Свечниковга таклиф жўнатди.