Jahon kubogi finalida ilk bor o‘zbekistonlik merganlar ishtirok etadi

Jahon kubogining final bosqichida ilk bor o‘zbekistonlik ikki nafar mergan ishtirok etadigan bo‘ldi.

Joriy yilning 18-26-noyabr kunlari Qatarning Doxa shahrida o‘q otish sporti turlari bo‘yicha Jahon kubogining final bosqichi bo‘lib o‘tadi.

Xalqaro o‘q otish sporti federatsiyasi mazkur musobaqada ishtirok etish uchun ilk bor O‘zbekiston terma jamoasining 2 nafar a’zosi - Muhammad Kamalov va Vladimir Svechnikovga taklif jo‘natdi.