Жаҳоннинг энг машҳур миллиардери UFCда қайси жангни кўришни хоҳламоқда?

Машҳур америкалик бизнесмен Марк Цукерберг UFC да жанубий африкалик Дрикус дю Плесси(22-2) ва  бразилиялик Алекс Перейра(11-2) ўртасидаги қарама-қаршиликни кўришни истамоқда.

 "Алекс ва Дю Плесси. Бу жангни кўришни жуда хоҳлардим", –  деб ёзган Марк.

Эслатиб ўтамиз, Перт шаҳрида (Австралия) бўлиб ўтган "UFC 305" турнирида Дрикус ўрта вазн тоифасида собиқ UFC чемпиони, нигериялик Исраэль Адесаньяга қарши октагонга чиқди. Мазкур баҳс тўртинчи раунд охирида жанубий африкаликнинг ғалабаси билан якунланди.  Адесаня учун бу мағлубият кетма-кет иккинчиси бўлди. Дю Плесси учун бу ғалаба UFC даги қаторасига саккизинчи.