Жалолиддин Машарипов: "Менинг ўзим ҳам "Ан-Наср" аъзоси бўлганман ва бу жамоада яхши хотираларим қолган"

Бугун Элит Чемпионлар лигаси доирасида Эроннинг "Истиқлол" клуби Саудиянин "Ан-Наср" жамоаси билан ўйнайди. Учрашув олдидан бўлиб ўтган матбуот анжуманида Жалолиддин Машипов ҳам қатнашди ва саволларга жавоб берди.

"Ан-Наср" ажойиб жамоа. Жамоада ажойиб футболчилар йиғилган. Менинг ўзим ҳам "Ан-Наср" аъзоси бўлганман ва бу жамоада яхши хотираларим қолган. Лекин унутмангки, биз ҳам "Истиқлол"миз ва бизда ҳам кучли футболчилар бор. Дубайга "Наср"га қарши ўйинда ғалаба қозониб, мухлисларимизни хурсанд қилиш учун келдик.
"Истиқлол"нинг кўплаб мухлислари бор, уларнинг барчаси ушбу ўйинда муваффақият кутмоқда. Дубайда кўплаб эронликлар борлигини биламиз. Эртага бу ўйинда "Истиқлол" Дубайда ёлғиз қолмайди, мухлислар бизни ёлғизлатиб қўймайди. Ишончим комилки, эртага стадион мухлисларимиз билан тўлади.
Эртанги ўйинда "Истиқлол" ғалаба қозонади ва бу ўйиндан уч очко билан уйга қайтамиз", - деди ҳамюртимиз.