Жалолиддин Машарипов: Шомуродовнинг йўқлиги билинди!

Осиё кубоги 1-тури доирасида Ўзбекистон ва Сурия терма жамоалари ўзаро куч синашди ва унда томонлар 0:0 ҳисобида дуранг ўйнади. Учрашувдан сўнг Жалолиддин Машарипов ўйин ҳақида ўз фикрларини билдирди.

Ўйлашимча, бугун 60 фоиз ўзимизни кўрсата олдик. Чунки биринчи ўйинни босими ҳалақит берди. Биринчи ўйинда камроқ хато қилиш керак деган нарса ҳаммада бўлди. Шунинг учун биринчи бўлимда ҳужумларимиз яхши бўлмади. 

Иккинчи таймда олдинга ўтиб таваккал қилишни бошлаганимиздан сўнг бизда вазиятлар бўлди, бироқ булардан фойдалана олмадик. Элдорнинг йўқлиги ҳам билинди. Чунки ҳужумда ўйнаган Остон ҳам яққол ҳужумчи эмас ва бу ҳам ўз таъсирини ўтказди. 

Сурия майдонга дуранг учун чиққани билинди, фақат ҳимояда ўйнади. Бу ҳам Купернинг тактикаси - 11 киши ҳимояда ётиб олади. 

Нима учун биз ўйин услубини эртароқ ўзгартирмадик? Бизда вариантлар бор эди. 

Мураббий сал эҳтиёткорликни ўйлади биринчи ўйин бўлгани учун. Нимага деганда ҳали олдимизда ўйинлар бор. Кейинги ўйинни ютсак, тўрт очкомиз бўлади. Узун турнирда битта ўйинни кўриб хулоса қилиш хато. Футболчиларнинг потенциали ўйиндан ўйинга очилиб боради. Кейинги ўйинлар унақа бўлмайди. Бу энг ёмон ўйинимиз бўлди. 

Кийиниш хонасида футболчиларнинг руҳий ҳолати жуда зўр ва бундан умуман муаммо йўқ. Биринчи ўйинни босими бўлди, холос. 

Кейинги учрашувга 35 мингга яқин ҳиндистонлик мухлис ташриф буюриши кутилмоқда. Бу босимга терма жамоамиз қанчалик тайёр?

Бизда 36 миллион мухлис бор ва шуни ўзи етади", - дея жавоб берди термамиз сардори.