Жамоани 3-дивизиондан АПЛга олиб чиққан мураббий истеъфога чиқади
"Шеффилд Юнайтед" катта эҳтимол билан тез орада мураббийсиз қолади. Бу ҳақда Sky Sports хабар тарқатмоқда.
Юқоридаги манбага кўра, бош мураббий Крис Уайлдер яқин вақтлар ичида истеъфога чиқмоқчи. Қайд этиш лозимки, 53 ёшли мутахассис "Шеффилд Юнайтед"ни 2016 йилнинг май ойидан буён бошқариб келаётган эди. У ўтган давр мобайнида жамоани 3-дивизиондан премьер-лигага олиб чиқди.
"Шеффилд Юнайтед" жорий мавсум АПЛда ортда қолган 28 турдан сўнг 14 очко тўплаган ҳолда мусобақа жадвалида сўнгги ўринда бормоқда.
Фикрлар