Жамоани беринглар, Манчестергача пиёда бораман!

“Рома”дан истеъфога чиқарилганидан бери ишсиз юрган Жозе Моуриньо ёзда ўзига янги жамоа топишга умид қиляпти.

Manchester Evening News нашрининг ёзишича, португалиялик мутахассис яна “Манчестер Юнайтед”ни бошқаришни орзу қилаётганини билдирди. Моуриньо мутасаддиларига жамоани иккинчи маротаба қабул қилиб олиш учун Манчестерга пиёда боришини айтган.

Бироқ клуб раҳбарияти Жозе Моуриньони бош мураббийликка чақирмоқчи эмас.

Моуриньо илк бор манчестерликлар билан 2016 йилнинг майида ҳамкорлик ўрнатганди. У жамоани 2018 йилнинг декабрига қадар бошқарган. Унинг қўл остида “Манчестер Юнайтед” Лига кубоги ва Европа лигасида ғалаба қозонган.

Жозе Моуриньо фаолияти давомида “Манчестер Юнайтед” ва “Рома”дан ташқари “Тоттенхэм”, “Челси”, “Реал”, “Интер”, “Порту”, “Лейрия” ва “Бенфика”да ишлаган.